April 2015

[b]Қор жайлы, қызметім және өзім туралы[/b] [b]«Сәби» қайырымдылық қоры [/b] діттеген мақсатқа жету жолында 13 жыл бойы жұмыс атқарып келеді. Бұл аз уақыт емес әрине. Аталмыш қор демеушілер мен филантроптардың арқасында уақтылы қаржыландырылып, сенімді серіктестік орнатқан. Жүйелі мәселелерді шешетін біздің жоба бағытын оң жолға қойды деуге толық негіз бар.

Сондай-ақ, Қор көмекке мұқтаж адамдарға қол созып, насихатты, атақ пен мансапты не пайда табуды көздемейді, көксегені де бұл емес. Бар болғаны, жәрдемге зәру жандардың асқақ арманының орындалуына титтей де болса септігін тигізе алса, бізге одан асқан бақыттың керегі жоқ. Өйткені, адамгершілік- ізгі қасиет. Қиналған адамға «ізгілік» нұрын шашады емес пе?…

Неліктен біз мұндай іспен айналысатынымыз жайлы айтар болсам, біреу біреуге сүйеу деген сөз бар ғой… Жақсылық жасау – сауапты іс болса, қайырымдылық та қадірлі іс. Сондықтан қай уақытта да өз жұмысыма аса жауапкершілікпен қарайтынымды жасырмаймын. Жастарды жігерлендіру, сапалы білім алуына жағдай жасау, қанатының құлаштап кеңге жаюына мол мүмкіндік беру арқылы жаныма жақын жұмысымнан ләззат аламын. Өйткені, адам тек отбасы мен жақындарына ғана емес, қоғамына, қоршаған ортасына да [b] махаббатпен, ілтипатпен қарауы керек.

Жаңа істі бастарда тамсандырмай қойматын, кез келген адамды алған ұмтылдыратын үнді философы және ойшылы [b]Свами Вивекананданың[/b] мынадай қанатты сөзі бар:

«Сіз біреудің қайғысына ортақтасасыз ба? Егер иә болса, сіз бен біздің бірлігіміз артады, ал егер олай болмаса, қанша жерден зиялы болсаңызда, түкке тұрмас бейшарасыз. Ал керісінше өзгенің мұңын мұңдап, жоғын жоқтай алсаңыз сіз бірде бір кітап оқымасаңыз да, көп тіл білмесеңіз де дұрыс жолда жүргеніңізді қаперде сақтаңыз».

«Сәби» Қайырымдылық Қорының өзінің 13-ке толған күнін атап өтуде!

Осы жылдар ішінде қаншама жұмыстар атқарылды! Егер өткен шаққа қарасақ, іске асырылған жобаларымыздың барлығын мақтанышпен еске аламыз, кейбіреулері еліміздегі қайырымдылық қозғалысының тарихында алғашқы рет жетілдіріп және орындалып отыр.

Мысалға сондайдың біреуі болып «Мүгедектерге – лайықты өмір» атты жобаны айтуға болады: Қазақстанның 20 қаласын мүгедектерге арналған арбаны қолданатын қозғалысы шектеулі адамдарды тасуға арналған 62 арнайы көліктері аралап жүр. Көліктердің бәрі Қордың көмегімен сатып алынып, жергілікті мүгедектер қоғамдарына сый ретінде тапсырылды.

Қызылорда қаласында 60 орынды Сәби үйі тұрғызылып қолданысқа берілді. 2 – қабатты 3 корпусты 1717 шаршы метрлі ғимарат 4 жасқа дейінгі жетім балалардың қолайлы өмір сүру үшін салынып және толықтай жабдықталынды. Мекемеде облыстағы жалғыз ғана сертификатталған ерте даму «Монтессори» орталығы ашылды. 0,7 га жердің көгаландыру жұмыстары «Сәби» Қорымен жасалынған. Сонымен қатар сәбилерге арнайы үлкен ойын алаңы мен үсті жабылған жазғы павильон салынды.

«Спорт жобасының» аясында еліміздің 10 қаласында 30 спорттық және ойын нысандарын тұрғыздық. 20 интернаттық мекемелердің тәрбиеленушілері тек қана таза ойнап немесе дене-шынықтырумен айналысып қана қоймай, сонымен қатар кәсіби спортпен шұғылдануға мүмкіндіктері бар.

Осы жылдар бойы «Білім беру жобасы» бойынша атқарып жатқан ісіміз жалғасып келеді: балалар үйлерімен біз тығыз байланыстамыз, сол жерде тұрып жатқан балаларға өмірлік жолын табуға көмектесіп жатырмыз. Ол үшін олармен алға бағытталған үлкен жұмыс жүргізілді: кәсіби бағыттау тестілеуі, ҰБТ дайындық курстары, психологиялық тренингтер, білім гранттарын бөлінді.

Ал дарынды жастарды қолдау « лем» Бағдарламасының аясында Қазақстанттың дарынды жастарына жан-жақты қолдау жасалануда, соның ішінде еліміздің және әлемнің ең үздік оқу орындарына гранттар бөлінді. Жыл сайын « лем» Бағдарламаның аясында мемлекеттік тілде ақындар сайысы өткізілуде. Қордың ұйымдастыруымен алғыр математиктерге 5 жылдық курсы ашылды. Сонымен қатар «Сәбидің» қолдауымен осы жылы жас бизнесмендерге арнап грант бөлінетін «Өз ісіңді жаса» деген байқау өткізілді.

«Жасөспірімдер» жобасы алматының балалар үйінен шыққан бұрынғы түлектерге үй мәселесін шешуге көмектесуде. Қорымыздың Алматыдағы 1 бөлмелі пәтердің 50 пайыздық құнын алғашқы төлем ретінде бөлінгеннен кейін, бірнеше жастар өз үйлеріне қол жеткізді.

Енді біздің басты жаңалығымыз – біз Ақтобе қаласында жетімдерге, денсаулығының ауытқуына шалдыққан арнайы интернаттан шыққан түлектерге арналған 80 орынды леуметтік жатақхана саламыз. Жобалық-сметалық құжаттаманы дайындау бойынша, салуға, жабдықтауға, көгаландыру мен абаттандыруға кететін барлық шығындарды «Сәби» Қоры өзі өтейді.

Бұндай ауқымды жұмыс көп жылдар бойы бізді қолдап әрдайым қасымызда болып жүрген, оған қоса бізге толықтай сенім артып баға жетпес көмегін көрсеткен мейірбан адамдармен демеушілердің арқасында орындалды. РАХМЕТ сөзін айтудан ешқашан шаршамаймыз!

Қордың жұмысы туралы бейнероликке сілтеме
Қордың жұмысы туралы есептемеге сілтеме